أبويا كان قائد طابية :)

انت عاوز تتكلم في الدين .. ؟!
هو في حد بيتكلم في الهندسة غير المهندسين والفيزياء غير الفيزيائيين والتمريض غير التومرجية وحلاقي الصحة … ؟!
دارس ايه حضرتك علشان تتكلم في الدين .. ؟!
جدك كان بتاع بليلة .. ؟!
أبوك كان صرماتي .. ؟!
يبقي ما تتكلمش في الدين ..!!

مالك يا عم .. في إيه ..؟!
ايوه .. هاتكلم في الدين لأنه نازل علشان أؤمن به وأطبق تعاليمه عن قناعة وتفكير
ايوه .. هاتكلم في الدين لأنه مش كهنوت يخص طبقة بعينها ولا تعاليم لجماعة سرية ولا علم دقيق للمتخصصين زي الطب وهندسة صواريخ شهر رمضان كل سنة وانت طيب 🙂
هاقرأ النصوص وأطّلع على على الأقوال واستوعبها بعقلي اللي هو مناط التكليف وهاتكلم وأعمل باللي أنا فهمته ولو فهمي غلط صحح لي وانا مستعد لتقبل الصح والعمل به إنما تصادر على عقلي وتفكيري وقناعاتي وتدعوني للسير وسط قطيع بائس إيثارا للسلامة ولأن هذا ما وجدنا عليه آباءنا ومشايخنا الذين كفونا عناء التفكير وعلينا تطبيق ما يقولونه حرفيا فهذا ما لن اقبل به ..
ولعلمك .. أبويا كان قائد طابية .. موتوا بغيظكم 🙂